ಟಾಪ್ ಟೆಲಿಕಾಂ ಕಂಪನಿಗಳ “ಹೊಸ ಡೇಟಾ ನಿಯಮ” – ಗ್ರಾಹಕರಿಗೆ ಹೊರೆ.!
ಭಾರತದ ಪ್ರಮುಖ ಟೆಲಿಕಾಂ ಕಂಪನಿಗಳಾದ ಜಿಯೋ (Jio), ಏರ್‌ಟೆಲ್ (Airtel), ವಿಐ (VI) ತಮ್ಮ ಡೇಟಾ ಪ್ಲಾನ್‌ಗಳಲ್ಲಿ ನಿಖರವಾಗಿ “ಸದ್ದು ಇಲ್ಲದ ಬದಲಾವಣೆ” ತಂದಿವೆ. ಈ ಬದಲಾವಣೆಗಳು ಗ್ರಾಹಕರಿಗೆ ನೇರವಾಗಿ ಹಣಕಾಸಿನ ಹೊರೆ ಆಗಿ ಪರಿಣಮಿಸುತ್ತಿವೆ.
ಹಳೆಯ ವ್ಯವಸ್ಥೆ ಹೇಗಿತ್ತು.?
ಹಿಂದಿನ ವ್ಯವಸ್ಥೆಯಲ್ಲಿ, ನೀವು ಬೆಸಿಕ್ ಪ್ಲಾನ್ ಜೊತೆ ಹೆಚ್ಚುವರಿ ಡೇಟಾ ಪ್ಯಾಕ್ ಖರೀದಿಸಿದರೆ, ಅದೂ ಸಹ ನಿಮ್ಮ ಪ್ಲಾನ್‌ನ ವ್ಯಾಲಿಡಿಟಿ ಗೆ ಅನ್ವಯಿಸುತ್ತಿತ್ತು.
ಉದಾ:
ಪ್ಲಾನ್ – 28 ದಿನಗಳ ವ್ಯಾಲಿಡಿಟಿ + ದಿನಕ್ಕೆ 1GB ಡೇಟಾ
ಹೆಚ್ಚುವರಿ – 1GB ಡೇಟಾ ಪ್ಯಾಕ್ = 28 ದಿನಗಳವರೆಗೂ ಉಪಯೋಗ ಸಾಧ್ಯ
ಆದ್ದರಿಂದ ಗ್ರಾಹಕರು ಆರ್ಥಿಕವಾಗಿ ಹೊಂದಾಣಿಕೆಯಾಗುತ್ತಿದ್ದರು.
ಈಗ ಏನು ಬದಲಾಗಿದೆ.?
ಈಗಿನ ನಿಯಮದಂತೆ, ಡೇಟಾ ವೋಚರ್‌ಗಳಿಗೆ ಸ್ವತಂತ್ರವಾಗಿ ವ್ಯಾಲಿಡಿಟಿ ನಿಗದಿಯಾಗುತ್ತದೆ – ಕೆಲವೇ ಗಂಟೆ ಅಥವಾ 1 ದಿನ ಮಾತ್ರ. ಇದರರ್ಥ, ನೀವು ಅತಿರೇಕ ಡೇಟಾ ಖರೀದಿಸಿದರೂ, ಅದು ನಿಮ್ಮ ಪ್ಲಾನ್‌ನೊಂದಿಗೆ ಲೀನವಾಗದೆ, ಬೇರೆ ಸಮಯಕ್ಕೆ ಸೀಮಿತವಾಗಿರುತ್ತದೆ.
ಬಳಸದೆ ಇದ್ದರೆ = ಡೇಟಾ ವ್ಯರ್ಥ
ಗ್ರಾಹಕರಿಗೆ ಏನು ಪರಿಣಾಮ ಬೀರಬಹುದು.?
- ಹೆಚ್ಚುವರಿ ಹಣ ಪಾವತಿಸುವ ಅಗತ್ಯ
- ಬಳಸದ ಡೇಟಾ ವ್ಯರ್ಥವಾಗುವುದು
- 1 ದಿನದಲ್ಲಿ ತುಂಬಾ ಡೇಟಾ ಬಳಸಬೇಕಾದ ಒತ್ತಡ
- ಅನಿರೀಕ್ಷಿತ ವ್ಯಾಲಿಡಿಟಿ ಸಡಿಲಿಕೆ
ಸಾಮಾನ್ಯ ಗ್ರಾಹಕರಿಗೆ ಸಂಕಷ್ಟವೇ.?
ಹೌದು. ಹೆಚ್ಚಿನ ಭಾರತೀಯರು ಪ್ರಿಪೇಯ್ಡ್ ಪ್ಲಾನ್ ಬಳಸುತ್ತಿದ್ದಾರೆ. ಕಡಿಮೆ ಬಜೆಟ್‌ನಲ್ಲಿ ಉತ್ತಮ ಸೇವೆ ಎಂಬ ಆಶಯದಿಂದಲೇ ಅವರು ಇಂಥ ಯೋಜನೆಗಳನ್ನು ಆರಿಸುತ್ತಾರೆ. ಆದರೆ ಈ ಬದಲಾವಣೆಗಳು ಅವರ ನಿರೀಕ್ಷೆಗೆ ಪೂರಕವಲ್ಲ.
ಗ್ರಾಹಕರು ಈಗ ‘Validity’ ಅನ್ನು ಗಮನಿಸದೇ ಡೇಟಾ ಪ್ಯಾಕ್ ಖರೀದಿಸುತ್ತಿದ್ದಾರೆ → ಇದು ನಷ್ಟವಾಗುವ ಸಾಧ್ಯತೆ ಹೆಚ್ಚಿಸುತ್ತದೆ!
ಈ ಬದಲಾವಣೆ ಭವಿಷ್ಯದ ಸಂಕೇತವಾಗುತ್ತ.?
ಹೌದು. ಈ ಬದಲಾವಣೆಗಳು ಕಂಪನಿಗಳಿಗೆ ಲಾಭದಾಯಕವಾಗಬಹುದು. ಆದರೆ, ಗ್ರಾಹಕರಿಗೆ ಮುಗಿಯದ ತೊಂದರೆ. ಡಿಜಿಟಲ್ ಇಂಡಿಯಾ ಎತ್ತಿಹಿಡಿಯಬೇಕಾದ ಸಮಯದಲ್ಲಿ, ಈ ನಿಯಮಗಳು ಗ್ರಾಹಕ ಸ್ನೇಹಿಯಿಲ್ಲದ ಹಾದಿಯಲ್ಲಿವೆ ಎಂಬ ಧಾರಣೆ ಉಂಟಾಗಿದೆ.
ಗ್ರಾಹಕರಿಗೆ ಸಲಹೆ:
- ಯಾವುದೇ ಡೇಟಾ ಪ್ಯಾಕ್ ಖರೀದಿಸುವ ಮೊದಲು Validity ಚೆಕ್ ಮಾಡಿ
- ಪ್ಲಾನ್ ಮತ್ತು ವೋಚರ್‌ಗಳ ವ್ಯತ್ಯಾಸ ತಿಳಿದುಕೊಳ್ಳಿ
- ನಿರೀಕ್ಷೆಗೂ ಮೀರಿ ಹಣ ವ್ಯರ್ಥವಾಗದಂತೆ ಜಾಗೃತರಾಗಿ.